البطلة المصرية الجميلة اللي قدامك دي اسمها ” رحاب أحمد ”
رحاب بنت بسيطة من قرية الحواط مركز منيا القمح في الشرقية
رحاب لما كان عندها سنة و نص و هي طفلة رضيعه اتصابت للاسف ب ش ل ل الاطفال ، رحاب وقتها اتحرمت من التعليم بسبب ظروفها الصحيه دي
لكن رحاب رفضت ان حياتها تقف عند الاصابه دي و قدرت انها تتعلم لعبة رفع الاثقال في ٢٠١٣
و دي نفس السنة اللي قدرت فيها رحاب تاخد شهادة جامعية و تتخرج من اداب انجليزي.
رحاب هي علامة كبيرة من علامات اللعبة دي لانها قدرت تحقق انجازات خارقه في اللعبة دي
الميدالية الذهبية بطولة العالم ٢٠١٧
الميدالية الذهبية بطولة العالم ٢٠١٩
الميدالية الذهبية بطولة العالم ٢٠٢٤
الميدالية الفضية بارالمبياد ريو ٢٠١٦
الميدالية الفضية بارالمبياد طوكيو ٢٠٢٠
عشان النهاردة رحاب تشرف مصر كلها و تحقق حلمها و تكسب الميدالية الذهبية في بارالمبياد باريس ٢٠٢٤
يعني رحاب قدرت تكسب ٣ ميداليات بارالمبية علي التوالي ، ايه العظمة دي يا رحاب
مش بس كدة ، دي رحاب كمان هي صاحبة الرقم القياسي في اللعبة دي علي مستوي العالم ب هي ١٣٥ كيلو جرام ، يا للهول حرفيا
رحاب بجد بنت ب ١٠٠ راجل و تشرف حقيقي ، قدرت تتحدي كل الصعاب دي و رفضت الواقع الميئوس منه ده و قدرت تحوله الي واقع ملئ بالنجاحات
كل الفخر يا رحاب حقيقي
